Aviso: Esta noticia tiene más de un año. Última actualización: 09/03/2010 17:25
Euskalmet Meteorologiaren Euskal Agentziaren iragarpenaren arabera, bihar elurra egingo du berriro. Goizaldean izotza botako du eta minimoak -4 gradutik behera kokatuko dira barnealdeko zenbait tokitan. Giro goibela espero dugu eta noizbehinka prezipitazioa egingo du, bereziki arratsaldean eta Kantauri isurialdean.
Botako duen gehiena elurra izango da, elur-kota maila baxuetan kokatuko baita. Ipar-haizeak tenperatura balio antzekoetan utziko du, hots, beroenak 5 graduren bueltan kostaldean eta 1-2 gradu inguruan gainontzeko tokietan.
Itsasoan ipar-osagaiko haizea ibiliko da, 3-4ko indarrarekin, eta itsaskirria edo itsaskia eragingo du. Ipar-mendebaldeko hondoko itsasoak 1,5 metroko olatuak altxatuko ditu.
Uraren tenperatura 11-12 gradukoa da eta ikus-eremua lau eta hamar kilometro artekoa izango da. Itsasgorak 12:50ean izango da, eta itsasbeherak, 6:02an eta 18:24an.