Foto: Europa Press
BILBO, 8 Feb. (EUROPA PRESS) -
Renfek %43 eta %75 arteko gutxieneko zerbitzuak ezarriko ditu Donostiako eta Bilboko aldiriko trenetan ostegun honetan, otsailaren 9an, ELA, LAB eta STEE-EILAS sindikatuek deituriko greba dela eta, bidaiari guztien garraioa ziurtatzeko. Gainera, distantzia luzeko trenak normaltasunez ibiliko dira.
Euskal Autonomia Erkidegoan (EAE) egongo den zortzi orduko greba dela eta, Espainiako Sustapen Ministerioak oinarrizko zerbitzuak finkatu ditu aldiriko bidaiarien garraioa ziurtatzeko. Horrela, 11:00etatik 19:00etara bitatean, Donostiako zein Bilboko aldiriko guneetan gutxieneko zerbitzuak ezarri dira.
Donostiari dagokionez, puntako orduetan, hau da, 13:30etik 15:30era bitatean eta 18:30etik 19:00etara bitartean, trenen %72 biliko dira. Grebako gainontzeko orduetan zehar, normalean ibiltzen diren trenen %43 egongo dira martxan.
Bilboko aldiriko gunean, puntako orduetan, C-1 (Bilbo-Santurtzi), C-2 (Bilbo-Muskiz) eta C-3 (Bilbo-Urduña) lineatan, trenen %75 ibiliko dira. Lanuztea deituta dagoen gainontzeko orduetan zehar, trenen %50 funtzionatuko du. Gutxieneko zerbitzuen informazio zehatza ezagutzeko, renfe.mobi, Renferen webgune (www.renfe.com) eta 902 320 320 telefonora jo daiteke.