Xirimiri taldeak irabazi du Kameratoiaren lehenengo saria

BILBO 28 May. (EUROPA PRESS) -

Topagunea Euskara Elkarteen Federazioak Gernika-Lumoko Kultur Etxearen babesarekin antolaturiko Kameratoia Euskal Herriko Ikus-entzunezkoen Rallya bukatu zen joan den larunbatean, maiatzaren 26an, herri bizkaitarreko Elai-Alai aretoan egingo da ekitaldiarekin, eta irabazlea Xirimiri taldea izan da. Euun lagun inguru bildu zen azken ekitaldian, Topaguneak gazte euskaldunen sormena bultzatu eta ekoizpen artistikoa gizarteratzeko helburuarekin antolatzen duen Kameratoia lehiaketaren sarien banaketa ikusteko.

Lehiaketaren zortzigarren edizioa Gernika-Lumon izan da, eta 40 gazte inguruk hartu dute parte. Bost egunetan, 3 eta 8 minutuko ikus-entzunezkoak ekoiztu dituzte gazteek. "Goitik behera" izan da aurtengo gaia, eta herriko ezaugarri batzuekin osatu behar izan dituzte lanak.

Horrela, lehenengo saria (1.500 euro), Xirimiri taldeak jaso du, "Ondoezik" lanarengatik. Bigarren saria (1.200 euro), M-taldearentzat izan da, "Goitik behera" ikus-entzunezkoarekin, eta hirugarren saria (900 euro), Koproskilos eta Unai taldeak lortu du, "Zuhaitzaren Eguna" film laburrarekin. Oier Plaza (bideogilea), Hibai Castro (dokumentalgilea) eta Rosa Martin Sabaris (EHUko irakaslea) izan dira aurtengo epaileak.

Kameratoian parte hartu duten gazte guztien lanak www.kameratoia.com helbidean aurki daitezke, bestelako informazioarekin batera.