SANTIAGO DE COMPOSTEla, 22 Feb. (EUROPA PRESS) -
O alcalde de Xermade, Tomás Rodríguez, sinalou que, polo momento, se descoñecen as circunstancias en que dous homes, un pai e o seu fillo, faleceron e unha muller resultou ferida nunha vivenda unifamiliar do municipio.
En declaracións a Europa Press, Rodríguez explicou que o suceso está sendo investigado pola Garda Civil e que atopan á espera de que se tramiten os procesos correspondentes e de que o xuíz proceda ao levantamento dos cadáveres. Por agora, dixo, non se confirmou nin o móbil nin a hora dos feitos nin as circunstancias concretas.
O alcalde, que se trasladou ata o lugar, indicou que o acceso á casa está pechado e que axentes de Policía e Garda Civil permanecen nesta, situada na parroquia de Burgas, un pequeno grupo de vivendas a 2,5 quilómetros do núcleo de Xermade.
Un septuaxenario e o seu fillo faleceron este mércores no municipio de Xermade (Lugo), mentres que a muller do ancián resultou ferida, segundo informan fontes próximas á investigación, que consideran que a principal hipótese é a do roubo e apuntan a que o suceso se produciu en torno ás 6.00 horas.