El discu próximu de Dixebra va titulase 'Ente la niebla' y va tratar la historia del movimientu obreru asturianu

La banda decana del rock n'asturianu, Dixebra, va publicar d'equí a pocos díes un discu nuevu en directo. Trátase de la grabación del conciertu que la banda avilesina ufrió na Plaza La Catedral d'Uviéu en setiembre del 2017
DIXEBRA. - Archivo
Europa Press Asturias
Actualizado: lunes, 17 febrero 2020 20:20
Seguir en

UVIÉU, 17 Feb. (EUROPA PRESS) -

'Ente la niebla' va ser el títulu del discu próximu de la banda de rock avilesina Dixebra, que va ser el númberu 14 de la so carrera. Nél van tratar la historia del movimientu obreru asturianu dende 1920 hasta 2020.

Nun apunte en Facebook recoyíu por Europa Press, Dixebra esplica que va ser "una obra conceptual mui especial, onde los cantares xiren alredor de la memoria histórica o colectiva de los asturianos y asturianes".

Asina, van tratar temáticamente la historia del pueblu asturianu del últimu sieglu, dende 1920 a 2020. Esto ye, dende la industrialización del país y el surdimientu d'una clase proletaria asturiana.

Les lletres del discu van tratar asuntos como la toma de conciencia política, les primeres lluches obreres, l'autoorganización, la emigración, la Revolución d'Ochobre, la guerra contra'l fascismu, la represión, l'exiliu, los fugaos, la fuelgona del 62, el paternalismu franquista, la transición, la reconversión industrial, les movilizaciones del naval, la llucha de les muyeres d'IKE o'l papel de los sindicatos hasta les movilizaciones actuales.

Últimas noticias sobre estos temas

Contenido patrocinado