Gadafi diz que Libia estudia la nacionalización de petroleres estranxeres

EP

MADRID, 22 de Payares (Reuters/EP)

El presidente libiiu, Muamar Gadafi, anunció ayeri que'l so país estudia la nacionalización de compañíes petroleres foriates tres la fuerte cayida de los precios del petroleu.

Gaddafi fizo estes considerances nun discursu tresmitíu vía satélite a la Universidá estoaunidense de Georgetown, nel que plantegó amás que Trípoli nun va cumplir coles cuotes de producción asignaes pola Organización de Países Esportadores de Petroleu (OPEP).

Sobre la posible nacionalización, aseguró que "los países exportadores de petroleu podíen optar pola nacionalización, dada la rápida cayida de los precios". "Esta cuestión ta sobre la mesa y ta discutiéndose con seriedá", añadió.

"Igual el petroleu debía tar nes manes de compañíes nacinales o del sector públicu esti momentu, col oxetivu de controlar los precios y la producción de petroleu, o hasta detenela", aseguró enantes d'afirmar que los esportadores debíen "negase a vender el petroleu a un preciu mui baxu".

Esta selmana, dos medios de comunicación libios averaos a Gaddafi, Al Chams y Jamahiriya, publicaron que'l Congresu libiu podía aprobar nos próximos díes la nacinalización de petroleres estranxeres.

Repsol ye una de les principales compañíes estranxeres en Libia, y ún de los sos proyeutos nel país el del campu I/R, con inversiones de 100 millones, forma parte de les diez actuaciones clave del so plan estratéxicu.

El campu I/R se llocaliza nos bloques NC 115 y NC 186, na cuenca de Murzuq y podía acoyer 1.261 millones de barriles de petroleu, con unes reserves recuperables de 474 millones de barriles. La so potencia de producción ye de 90.000 barriles al día.

Esti xacimientu, descubiertu nel 2006, ye ún de los mayores descubrimientos de Repsol na so historia, y el mayor de los realizaos en Libia nos últimos diez años.