La moza de Maradona nun tien "nada que dicir" a la Policía tres l'incidente nel hotel

MADRID, 16 de Febreru (EUROPA PRESS)

La moza del exfutbolista arxentín Diego Armando Maradona, Rocío Oliva, declaró esti xueves ante la Policía Nacional que "nun tien nada que dicir" tres el discutiniu que caltuvo ayeri la pareya nel Hotel Eurostars Mirasierra Suite, en Madrid, y qu'obligó a la Policía a personase nel llugar.

Según informaron a Europa Press fontes policiales, los axentes acudieron hasta l'hotel del incidente y la moza aseguró que nun tenía que dicir. De momentu, nun se tomó declaración a Maradona nin de primeres va citáselu, dao que la causa tienal'l xuez y va ser ésti'l que va tener que decidir el siguiente pasu a siguir.

Pela so parte, los axentes sí que tomaron declaración a dellos empleaos del hotel, que señalaron que nun vieron nada, según les mesmes fontes.

L'incidente asocedió minutos antes de les 8.30 hores d'ayeri nel hotel, ubicáu nel númberu 43 de la cai Alfredo Marquerie. El director del hotel, siguiendo'l protocolu, llamó al 112 indicando que'l famosu antigu xugador, de 56 años, golpiaría a la persona con que compartía habitación, Rocío O., de 26.

Hasta'l llugar acudió darréu una ambulancia del Summa y unidaes de la Policía Nacional. Los axentes ascendieron a l'habitación de dambos, pero la supuesta agredida señaló que se trataba "d'un tracamundiu", que namás caltuvieren "un fuerte discutiniu" y que nun diba presentar denuncia contra él.

La Policía tuvo falando cola pareya por separao mientres dellos minutos y nun obsrvaron signos esternos, nin amenaces nin nicios de l'agresión, polo que los sanitarios nun subieron a l'habitación y, poro, nun hai parte de lesiones. Pela so parte, Maradona nun resultló deteníu nin imputáu.