MADRID, 10 Jun. (EUROPA PRESS) -
El presidente del Gobiernu, Pedro Sánchez, apostó esti miércoles por crear nel Congresu de los Diputaos una "comisión d'evaluación del Covid-19" qu'analice qué cambios hai qu'aplicar nel sistema de salú pública y nel sistema productivu p'ameyorar la respuesta énte andancios futuros.
Sánchez retomó esta idea, que yá planteó en marzu, na sesión de control al Gobiernu nel Plenu de la Cámara Baxa, depués de que'l portavoz de Ciudadanos, Edmundo Bal, encamentara al Gobiernu "aparcar les batalles ideolóxiques y partidistes" y a trabayar pa toos.
El presidente afirmó que l'Executivu del PSOE y Unidas Podemos fixo "un esfuerciu por consensuar, alcordar, rebaxar la tensión y apelar ente toos a la unidá". Y de siguío, abogó por crear esa comisión parllamentaria pa "tener un debate constructivu".
"Pa saber qué ye lo que tenemos qu'ameyorar del sistema de salú pública y qué midíes tenemos que favorecer nel nuestru sector productivu p'autoabastecernos d'un material que, claramente, nesti andancuy foi insuficiente pola nuestra dependencia de terceros países", declaró.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
