BILBO 9 Nov. (EUROPA PRESS) -
Euskotrenek jakinarazi duenez, pertsona batek eraso egin zion larunbatean konpainiako lineako agente bati, Bilboko metroaren 3. lineako Zurbaranbarriko geltokian, musukoa ez eramateagatik kargu hartu ondoren. Erasoa larunbatean izan zen, azaroaren 6an, eta Euskotrenek gaitzetsi egin du.
Erasotzaileak, Euskotreneko langilea kolpatzeaz gain, labana batekin mehatxu egin zion. Gertatutakoaren berri izan ondoren, Euskotrenek bere postuan ordezkatu zuen erasoa jasan zuen langilea. Trenbide ikuskatzaile batek Mutuara lagundu zion, eta bertako profesionalek artatu zuten.
Erasoaren berri eman zitzaion Euskal Trenbide Sareari, eta Ertzaintzarekin harremanetan jarri zen, polizia ikerketa hasteko. Gainera, Euskotrenek salaketa jarriko du epaitegietan.
Bestalde, Euskotreneko langile batzordeak erabat gaitzetsi du erasoa, eta hura salatzeko bilkura batera deitu du. Elkarretaratzea Zurbaranbarriko geltokian izango da, asteartean, azaroaren 10ean, 11:00etan.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
