Asturies zarra'l primer trimestre con un superávit de 49 millones d'euros

UVIÉU, 16 de Mayu (EUROPA PRESS)

Asturies rexistró un superávit de 49 millones d'euros, del 0,22 por cientu del so Productu Interior Brutu (PIB) hasta marzu, según los datos fechos públicos esti xueves pol Ministeriu de Facienda y Alministraciones Públiques.

Asina, la comunidá ta ente les ocho que presentaron cifres de superávit. Les otres siete son la Comunidá Valenciana (+334 millones de euros, el 0,33% del PIB), País Vascu (+92 millones, el 0,14% del PIB), La Rioja (+48 millones, el 0,60% del PIB), Castiella-La Mancha (+32 millones de euros, el 0,09% del PIB), Cantabria (+27 millones, el 0,21% del PIB), Baleares (+11 millones de euros, el 0,04% del PIB) y Estremadura (+5 millones de euros, el 0,03% del PIB).

Del otru llau, presentaron déficit la comunidá de Madrid, con 469 millones de euros, el 0,25% del PIB, siguida de Cataluña (-411 millones, el 021% del PIB), Andalucía (-369 millones d'euros, el 0,26% del PIB), Navarra (-193 millones, el 1,06% del PIB), Castilla y Lleón (-153 millones, el 0,28% del PIB), Murcia (-110 millones, el 0,40% del PIB), Galicia (-65 millones de euros, el 0,12% del PIB), Aragón (-60 millones de euros, el 0,18% del PIB) y Canaries (-11 millones de euros, el 0,03% del PIB).

Nel conxuntu d'España, el déficit de les comunidaes autónomes, en términos de Contabilidá Nacional, algamó los 1.235 millones d'euros nel primer trimestre del añu, el 0,12 por cientu del PIB. La cifra foi resultáu d'unos recursos totales de 33.445 millones d'euros y unos empleos de 34.680 millones d'euros.

Pela so parte, la Seguridá Social presentó hasta marzu una capacidá de financiación o superávit de 2.410 millones d'euros, l'equivalente al 0,23 por cientu del PIB.

Nestos datos correspondientes al mes de marzu hai que tener en cuenta a la hora d'analizalos, el distintu calendariu mensual de realización de los ingresos y de los gastos. Esti resultáu foi consecuencia d'unos recursos totales de 38.180 millones d'euros y unos empleos totales de 35.770 millones d'euros.