MADRID, 13 de Mayu (EUROPA PRESS)
El Ministeriu de Facienda y Alministraciones Públiques nun tien especial priesa n'executar esta nueva subida de los impuestos especiales porque hai que facelo bien y porque se trata de perxudicar lo menos posible, según esplicaron esti llunes fontes del Departamentu que dirixe'l ministru Cristóbal Montoro.
Según les citaes fontes, el Ministeriu de Facienda estudia la posibilidá de subir los impuestos indirectos en bebíes alcohóliques y tabacu, pero nun tien previsto gravar los grandes consumos.
Asina, nun se refuga una subida impositiva "bien pequeña" que grave'l consumu de bebíes alcohóliques, anque'l pasáu 26 d'abril el ministru de Facienda, Cristóbal Montoro, declaró que nun cuenta subir los impuestos especiales que perxudiquen especialmente a la hostelería.
En relación colos impuestos sobre'l tabacu, les fontes antes citaes aseguraron que Facienda estudia subir "bien pocoñín" esti gravame que, según indicaron, focalizaríase, por exemplu, nel consumu de tabacu de lliar. El Ministeriu nun tien previsto aumentar los impuestos sobre hidrocarburos, IVA o IRPF.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)