UVIÉU, 2 de Febreru (EUROPA PRESS)
El Partíu Popular d'Asturies calificó esti xueves como "desaxeradamente grave" que'l Gobiernu d'Asturies "tracamundie deliberadamente" una comunicación del Ministeriu de Facienda sobre la previsión d'ingresos del proyectu de Presupuestos autonómicos pal 2012.
El PP considera "inauditu" que'l Gobiernu d'España, al traviés del Ministeriu de Facienda, "tuviera qu'esmazcarar una mentira y intentu de manipulación del Gobiernu d'Asturies".
Coles mesmes, dende'l PP calquen en que "según consta nel escritu enviáu pol Ministeriu de Facienda a les Comunidaes Autónomes, nel Conseyu de Política Fiscal y Financiera del pasáu 17 de xineru diérense indicaciones precises a los Gobiernos rexonales pa que, tanto la estimación de la evolución del PIB como la estimación d'ingresos, se realizaren teniendo en cuenta l'escenariu de recesión que se contempla pal añu 2012".
Por ello, el Partíu Popular recuerda que, "daes estes circunstancies, en tou momentu comportáronse d'una manera honesta pa sacar alantre un presupuestu autonómicu". "Otra manera, el Gobiernu, tovía conociendo la verdá y sabiendo que les propuestes del PP axústense a la realidá, empéñase n'intentar aprobar un presupuestu técnicamente invidable. Ello demuestra qu'Álvarez-Cascos en nengún momentu tuvo cuenta de qu'Asturies tuviera un presupuestu pal 2012", acaben los 'populares'.