UVIÉU, 6 Sep. (EUROPA PRESS) -
El conseyeru d'Educación y Cultura, Genaro Alonso, afirmó que cree que no referente a la llingua asturiana, el Gobiernu autonómicu ta faciédolo "razonablemente bien", pero que lo qu'asoceda depués de les elecciones de mayu del 2019 "ye dalgo que nos tresciende".
Nunes declaraciones distribuyíes al traviés del Principáu, Alonso afirmó qu'en política llingüística l'Executivu tien el so propiu programa de gobiernu --basáu na Llei d'Usu y Promoción del Asturianu-- y que tán "seguros y convencíos" de lo que van llevar a términu hasta'l final de la llexislatura.
Unes declaraciones d'Alonso que se producen depués de que'l portavoz de Ciudadanos, Nicanor García, acusara al Gobiernu de nun dar importancia al programa d'Enseñanza Billingüe, pero sí a "facer programes pilotu en bable", en referencia al Plan Pilotu Esperimental de Promoción del Usu del Asturianu pal añu académicu 2017/2018.
Nesi sentíu, el conseyeru refirióse a los compromisos "que tán escritos" y conformen el plan d'actuación del Gobiernu presidíu pol socialista Javier Fernández y "sobremanera" de la Dirección Xeneral de Planificación Llingüística y Normalización.
"Lo qu'asoceda depués o lo que decida la Xunta yá ye una cuestión que nos tresciende", indicó Alonso en referencia a les elecciones autonómiques de mayu del 2019, pa incidir en que dende l'Executivu van siguir faciendo'l so trabayu "como creo que debemos y tamos faciendo razonablemente bien".
