MIERES/UVIÉU, 1 de Febreru (EUROPA PRESS)
La planta Thyssenkrupp Norte, asitiada nel polígonu mierense de La Pereda, va dexar de producir los vienres d'esti mes por un "aplazamientu nos pidíos", según aseguraron esti miércoles fontes sindicales.
La factoría, que forma parte del 'holding' alemán Thyssenkrupp AG, dedícase a la fabricación, venta y instalación d'escaleres mecániques y pasiellos rodantes.
Según les mesmes fontes, anque la planta quede sin producción "va permanecer abierta de llunes a vienres". De primeres, "la midida va caltenese mientres el mes de febreru", anque podría prollongase "nel casu de que los clientes sigan aplazando los pidíos de suministru".
La factoría cuenta con una plantiya de cerca de 300 trabayadores. Amás, el grupu alemán tamién tien ubicada en Mieres otra planta, Thyssenkrupp Airport Systems, que se dedica a la producción y comercialización de pasareles p'aeropuertos. De momentu, la empresa evitó facer declaraciones.