Trabayu nun ve necesario subir el periodu de cálculu de la pensión a 25 años

EP

MADRID, 5 de Febreru (EUROPA PRESS)

El secretariu d'Estáu de la Seguridá Social, Octavio Granado, nun ve "necesrio" elevar de 15 a 25 años, el periodu de tiempu que s'utiliza pa calcular la pensión pues, según dixo, "los mesmos efectos" que conllevaría esta midida "puen algamase técnicamente con otres fórmules".

Granado, en declaraciones a Onda Cero recoyíes por Europa Press, sorrayó que los efectos que s'algamarán subiendo a 25 años el periodu de cálculu de la pensión "nun seríen en nengún casu d'aforru de gastos", como apuntóse dende algunos sectores, dao que, si fuere asina, l'elevar esti periodu dende los dos a los 15 años supunxere a la Seguridá Social un aforru de siete puntos del PIB, cosa que nun ascoedió, puntualizó.

El secretariu d'Estáu señaló que lo que debe facese ye buscar un procedimientu de cálculu de la pensión que nun perxudique a los trabayadores despidío al final de la so vida llaboral y que, al mesmu tiempu, "anime a la xente a facer buenes carreres de cotización". Dichu sistema, dixo, nun pue permitir tampoco seleccionar dalguno años de vida llaboral (los meyores) pa xenerar mayores prestaciones y debería definir la prestación "según lo aportao nos periodos más amplios de la vida" del trabayador.

Granado esplicó amás que l'aumentu de dos a 15 años del periodu de cálculu executáu ente 1985 y 1997 "nun tuve efectos negativos nes pensiones" nin supunxo una modificación nel gastu. De fechu, precisó, esta midida supunxo "ventayes" pa los ingresos del sistema, pues permitió estabilizar les carreres de cotización y porque impidió lo que se denomaba 'compra de pensiones', ye dicir, concentrar demientres dos años una cotización mui elevada pa, con menores aportaciones, xenerar mayores pensiones.

Sobre'l Programa d'Estabilidá que contenía la referencia a un periodu de cálculu de la pensión de 25 años, referencia que'l Gobiernu alegó que yera un "exemplu" y qu'eliminó a lo último del testu, Granado afirmó que'l Ministeriu de Trabayu, concretamente la Seguridá Social, coparticipó con Economía no que ye la parte presupuestaria de la Seguridá Social, pero "non na lliteratura". "Nun conocía la lliteratura que lo acompañaba", almitió.

REFORMES "VALIENTES".

En cualquier casu, el secretariu d'Estáu sorrayó qu'España necesita reformes na Seguridá Social porque la so población "va avieyar mui rápido nos próximos 20 años". "Agora pagamos 8,5 millones de pensiones y dientro de 30 años vamos pagar 15 millones de pensiones. Y como agora tamos en bona situación, ye'l momentu d'entamar reformes y facelo nun periodu bastante llargu pa que nun haya agravios comparativos ente los que vean les sos prestaciones reformaes y los anteriores", esplicó.

Granado indicó que, anque ta algmándose retrasar la edá efectiva de xubilación (agora ta penriba de los 63 años), "llegará un momentu en qu'eso nun será abondo", proque l'avieyamientu de la población será muncho más intensu que la capacidá económica del sistema pa caltener buenes prestaciones.

"Y como lo que queremos ye caltener les pensiones en crecimientu, pa gobernar esi impactu nel gastu públicu, ye necesario facer una reforma de forma progresiva, aprovechando los aforros del Fondu de Reserva, que deben utiliase nesi periodu transitoriu, pa que dientro de 30 años la situación seya tan buena como agora", sorrayó.

Entrugáu pol refugu sindical a los plantegamientos del Gobiernu, Granado afirmó qu'él fala colos responsables sindicales de Seguri*da Social diariamente y lo que percibe nellos "ye un enorme deséu de llegar a acuerdos". "Les turbulencies económiques deben animamos a llegar a esos acuerdos, tovía con más vixencia", añadió.