Uns 50 estudantes encérranse na Facultade de Historia da USC para protestar contra a suba das taxas

 

Uns 50 estudantes encérranse na Facultade de Historia da USC para protestar contra a suba das taxas

Facultad De Xeografía E Historia
USC
Actualizado 26/05/2012 13:43:18 CET

SANTIAGO DE COMPOSTELA, 26 May. (EUROPA PRESS) -

Uns 50 estudantes encerráronse na Facultade de Xeografía e Historia da Universidade de Santiago de Compostela (USC) para protestar en contra da suba das taxas e os recortes no ensino, ademais de para demandar a apertura de máis bibliotecas públicas na tempada de exames.

O encerro, de carácter indefinido, comezou o pasado xoves 24 tras unha asemblea aberta celebrada na propia facultade. "Como mínimo, pasaremos toda a fin de semana", apuntou a Europa Press un dos participantes na protesta, Santi Piñeiro.

Segundo asegura este estudante, os alumnos informaron o decanato das súas intencións a través dun comunicado e o decano, pola súa banda, recoñeceulles "o seu dereito a ocupar" o centro, aínda que lles indicou que enviaría persoal de seguridade por tratarse dun edificio histórico.

Mediante unha nota de prensa, animan a todo o estudiantado da USC a achegarse ao encerro, ás actividades paralelas e ao espazo de estudio, que seguirá aberto durante "tódolos días".

La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies