Alumnos del CRA Eugenio Astur de Tineú participa nun videu pa fomentar la matriculación en llingua asturiana

UVIÉU, 18 de Mayu (EUROPA PRESS)

Un grupu d'alumnos y alumnes del CRA Eugenia Ástur de Tinéu tomen parte nun videu promocional pa fomentar la campaña de matriculación en Llingua Asturinaa. El trabayu, dirixíu pol realizador Pablo Quiroga, puede vese dende esta selmana na web de Educastur y nel portal Youtube.

El Spot constitúi una iniciativa pionera y novedosa na que los mesmos alumnos y alumnes de les escueles de La Preda, El Pedregal y Tuña, que conformen el CRA Eugenia Ástur, animen a los sos compañeros a solicitar la matriculación na asignatura de Llingua Asturiana en cualquier escuela d'Asturies.

Nel spot, participen toos y caún de los neños y neñes que cursen los sos estudios nel CRA, bien seya delantre de la cámara o nos trabayos d'ellaboración del guión al traviés de les sos aportaciones personales d'idees que constrúin un discursu claru y concisu nel que se muestra al espectador les razones poles que deberíen d'apuntase a esta asignatura escolar.

La iniciativa parte del área de Llingua Asturiana del colexu y pretende tornar nun puntu d'arranque pa la creación, al traviés del propiu Centru y col apoyu de la Conseyería d'Educación, d'un concursu añal d'idees y trabayos audiovisuales que fomenten la matriculación na asignatura de Llingua Asturiana en toos y caún de los niveles educativos.