UNA felicita a la comunidá Ubuntu-ast ya insta a l'Alministración a emplegar el software llibre

Europa Press Asturias
Actualizado: viernes, 27 agosto 2010 12:35
Seguir en

UVÍEU 27 Ago. (EUROPA PRESS) -

Unidá Nacionalista Asturiana quier felicitar a la comunidá Ubuntu-ast que'l pasáu 17 d'agostu algamó'l caráuter de comunidá Ubuntu oficial, tres les comunidaes en castellanu y catalán. Dende UNA volvemos a instar a toles alministraciones a qu'apuesten pol software llibre, tanto como midida d'aforru frente al pagamientu de llicencies como pol encontu que supondría pa una industria emerxente n'Asturies y dinamizadora de la economía como ye'l desendolcu de software llibre.

Faustino Zapico como portavoz d'UNA treslladó la felicitación "a la comunidá d'Ubuntu n'asturianu, pola so reconocencia como comunidá oficial d'esti sistema operativu gratuitu, detrás de les comunidaes en castellanu y catalán".

Pa UNA ye decepcionante que "los mayores éxitos na normalización de la nuesa llingua tengan que llegar ensin el mínimu encontu de les instituciones", pero al empar ye una muestra de "la potencialidá de la nuesa llingua como erbía de futuru, a pesar de toles estorbises que quiera poner el gobiernu asturianu pa ello, y demuestra bien a les clares que la sociedá asturiana quier entrar nel sieglu XXI cola so llingua al nivel de cualquier otru idioma".

Contenido patrocinado