Floriano diz que cuando hai qu'escoyer Rosa Díez vuelve "siempre a los sos orixes"

EUROPA PRESS

MADRID, 17 de Mayu (EUROPA PRESS)

El vicesecretariu d'Organización y Electoral del PP, Carlos Floriano, criticó esti xueves l'acuerdu qu'algamaron UPyD y PSOE n'Asturies, que va permitir la investidura del socialista Javier Fernández, algo que, al so entender, evidencia que si hai qu'escoyer, Rosa Díez vuelve "siempre a los sos orixes".

"Cuando Rosa Díez tuvo qu'escoyer, fízolo. Y siempre volviendo a los sos orixes: PSOE y IU", aseguró Floriano nun comentariu na so cuenta de Twitter, que recoyó Europa Press.

Tamién el presidente del Plenu del Conceyu de Madrid, Ángel Garrido, aprovechó esta rede social pa cargar contra esi acuerdu ente UPyD y el PSOE. "El Partíu Socialista llanza la so nueva marca blanca, UPyD. A la venta n'Asturies", esclama.

GRAN DECEPCIÓN P'ALGÚN INOCENTE

El mesmu conceyal madrilanu prosigue: "Gran decepción p'algún inocente pero yera cuestión de tiempu que Rosa Díez acabara siendo lo que siempre foi, esto ye, socialista". La diputada del PP pOr Asturies, Carmen Rodríguez Maniega, fízose ecu d'esta opinión de Garrido con un 'retuit' a los sos siguidores.

Más cargos del PP utilizaron les redes sociales dende'l miércoles pa criticar esi pactu, con comentarios como "Rosa Díez vuelve a los sos orixes", "yá sabemos quién ye quién" o "Rosa Díez quita la mázcara".

"Yo nunca-y la vi", apunta la diputada gallega Ana Belén Vázquez, pa la que Rosa Díaz "sigue siendo socialista y d'izquierdes".