Habrá marcha falanxista en Madrid na final de la Copa'l rei

MADRID, 22 de Mayu (EUROPA PRESS)

El Tribunal Superior de Xusticia de Madrid (TSXM) permitió a la entidá política La Falange manifestase esti vienres na capital coincidiendo cola final de la Copa'l Rei de fútbol qu'enfrenta esi día al Athletic Club de Bilbao y el Fútbol Club Barcelona, informaron fontes xurídiques.

Nuna resolución, la Sala de lo Contencioso-Alministrativo estima'l recursu interpuestu pola entidá política La Falange, ún de los convocantes, contra la resolución dictada pola delegada del Gobiernu en Madrid, Cristina Cifuentes, que cambió de fecha dicha manifestación pa evitar incidentes ente la estrema derecha convocante, y los estremistes vascos y catalanes que supuestamente van llegar p'apoyar a los equipos de fútbol.

Asina, l'Altu Tribunal madrilanu anuló, atendiendo al artículu 21.2 de la Constitución Española, dexando sin efectu la orde de la Delegación que, anque de primeres autorizó la marcha, díes dempués tornóla y cmabióla al otru día pa evitar disturbios.

Los promotores de la marcha ultra en Madrid anunciaron el pasáu 17 de mayu que calteníen la convocatoria, polo menos hasta que'l Tribunal Superior de Xusticia de Madrid (TSXM) decidiera sobre'l recursu que presentaron.

Xunto colos convocantes orixinales, confirmaron el so apoyu a esta manifestación el Sindicatu TNS, les mocedaes de La Falange, Patriotas.es, Radio Patriotas.es, Plataforma Memoria y Lealtad, In memoriam Juan Ignacio, Hermandad de la Vieja Guardia, Alternativa Española y Hermandad de Banderas de Falange.