UVIÉU, 22 de Mayu (EUROPA PRESS)
El Conseyu Políticu d'IU d'Asturies aprobó abrir un procesu de negociación cola Federación Socialista Asturiana pa entrar nel Gobiernu por 57 votos a favor, 37 en contra y tres astenciones.
Según informó'l partíu, los detractores consideren que "nun existen condiciones oxetives pa llegar a un pactu de gobiernu col PSOE", al que sí van apoyar esti miércoles na elección de presidente.
La decisión, adoptada nel Conseyu Políticu d'IU celebráu n'Uviéu, significa qu'esti xueves los militantes de la formación van decidir nes asamblees llocales, al traviés d'un referendu, si la coalición participa o non nel gobiernu d'Asturies.
IGLESIAS, SENADOR
El Conseyu Políticu d'IU d'Asturies decidió tamién esti llunes refrendar la propuesta de la dirección d'IU de que Jesús Iglesias, coordinador xeneral, seya senador. Los miembros del Conseyu Políticu apoyaron esta decisión con 70 votos a favor, trés en contra y 23 astenciones.
La Comisión negociadora va tar formada por: Jesús Iglesias, Ángel González, Ángela Vallina, Alberto Tirador y Julio Antuña.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)