Los sindicatos reucerden a UPyD que les prioridaes son l'empléu y los servicios públicos, y non la llei electoral

UVIÉU, 15 de Mayu (EUROPA PRESS)

El secretariu xeneral de CCOO d'Asturies, Antonio Pino, llamó a UPyD a la "responsabilidá" pa favorecer un Gobiernu estable n'Asturies. Asina, caltuvo que les principales cuestiones pa los asturianos son l'empléu, la economía y los servicios públicos "y non otros temes que, anque importantes, nun son prioritarios", en referencia a la eliminación de los trés circunscripciones electorales que'l partíu d'Ignacio Prendes punxo como condición p'apoyar a una opción política.

En rueda prensa, Pino refirióse nestos términos a les negociaciones que los distintos grupos con representación na Xunta Xeneral d'Asturies tán calteniendo pa formar Gobiernu n'Asturies. Mientres estes conversaciones UPyD condicionó'l so apoyu a la reforma de la llei electoral. Mientres la comparecencia, el secretariu xeneral de CCOO tuvo acompañáu polos sos homólogos n'UXT y USO, Justo Rodríguez Braga y Francisco Baragaño, respectivamente.

"Ye malo qu'alguién aproveche un xuegu de númberos y facelo dende la irresponsabilidá y la mercadería", añadió Pino, qu'aseguró que, "col tiempu", esta actitú "acaba pagándose".

Lo mesmo opinó Rodríguez Braga, que recordó al partíu maxenta que "yá ye hora de tomar decisiones con convencimientu, valentía y mirando los intereses de los asturianos". El restu, dixo, "son enredos y el más perxudicáu va ser UPyD".

Precisamente esta situación de rocea política que vive Asturies, y que podría condicionar l'aprobación d'un plan económicu, foi una de les razones poles que'l Ministeriu de Facienda ta estudiando la posible tutela de les cuentes d'Asturies, apuntó Baragaño.

Sicasí, pa los sindicatos, esta midida "suena más a intereses políticos partidarios", según Antonio Pino, qu'aseguró qu'hai otres Comunidaes Autónomes "con déficit y una xestión d'aquella manera".

Justo Rodríguez Braga añadió que l'anunciu de Facienda "entra na engarradiella de Foru y PP", representantes de la derecha asturiana y española, que ta utilizando a la rexón "como elementu de confrontación".

En tou casu, la posible intervención supón "una puñalada política a Asturies y a los asturianos", según el secretariu xeneral d'UXT.