Eusko Jaurlaritzak "Familia gainzorpetzea" jardunaldia egingo du asteazkenean Gasteizen

GASTEIZ 21 May. (EUROPA PRESS) -

Eusko Jaurlaritzak, Etxebizitzaren Euskal Behatokiaren bitartez, "Familia gainzorpetzea" izeneko jardunaldia antolatu du asteazkenean, maiatzaren 23an, Jaurlaritzaren Gasteizko egoitzaren ekitaldi aretoan.

Antolakuntzak jakinarazi duenez, gaur egungo krisi ekonomikoan, familiaren gainzorpetzea herritarren gero eta sektore gehiagori eragiten dion gaia da. Jatorria familiek etxebizitza erosteko aurre egin behar dieten hipoteka mailegu altuetan dago, eta "garrantzi handiko arazoa bihurtu da, ez soilik herritarrentzat, baita herrialdeen ekonomikoa produktiborako ere".

Etxebizitza, Herri Lan eta Garraio Saila, gizarte bazterkeriaren aurkako borrokan, arazo honetarako konponbideak bilatzen ari da, eta horretarako, Etxebizitza Euskal Behatokiaren bitartez, "Familia gainzorpetzea" jardunaldia antolatu du. Helburua da gai horren inguruan gogoeta egitea eta eztabaidatzea, eta herri erakundeek familien bitartekari gisa jarduteko aukerak aztertzea.

Jardunaldia udal gizarte zerbitzuei, gizarte erakundeei, herri administrazioari eta herritarrei oro har zuzenduta dago, eta arlo akademikoko nahiz administrazioko hizlariak izango ditu, arazo hau arintzeko egon daitezkeen gakoak eskaintzeko.

Zentzu horretan, bereziki nabarmentzen da Kataluniako auzia, non berriki martxan jarri diren ekimen interesgarri batzuk, bestea beste, Terrassako Hipoteka Bitartekotzarako Bulegoa eta Ofideute Kataluniako Etxebizitza Agentziaren zerbitzua, etxebizitza bakarraren jabe diren familia hipotekadunei eta hipoteka bermea duten maileguen berme-emaileei zuzendua, hain zuzen, ez ordaintzeagatik etxebizitza nagusia galtzeko arriskuan daudenak.

Helburua da finantza erakundeen aurrean ordainketak egiteko zailtasunak dituzten familien alde egitea, hipoteka maileguaren baldintzak birnegoziatu ondoren, ordainketa bideragarria izan dadin eta etxebizitzan bizitzen jarrai dezaten.