Motorren inguruko araudia betetzen dela kontrolatzeko kanpaina egingo da datorren astean Bilbon

BILBO 18 May. (EUROPA PRESS) -

Bilboko Udaltzaingoak, Ertzaintzarekin elkarlanean, zaintza eta kontrol kanpaina berezia egingo du datorren astean zehar, astelehenetik igandera bitartean. Kanpaina harrapaketak saihestera bideratutako dago, eta motozikleten eta ziklomotorren zirkulazioan gaur egun indarrean dagoen araudia bete dadin bermatzeko egingo da.

Zaintza eta kontrol kanpaina berezia zenbait kontrolen bidez egingo da, goizez eta arratsaldez, duten kokapena, diseinua edo egoeragatik, bide segurtasunaren ikuspegitik arriskutsuagoak diren hiriko zenbait gunetan.

Udaltzaingoaren agenteek, gidariek egindako lege-hausteak jasoko dituzte, eta horiek ohartarazi edo salatu ahal izango dituzte, zirkulazioarentzat arrisku berezia eragiten duten jarrerak edo jokabideak gertatuz gero.

Zaintza lanak -ziklomotorrak eta motozikletak erabiltzen dituzten pertsonek kaskoa erabiltzea eta ibilgailu horien dokumentazioa ondo egotea zainduko duena- ibilgailu horien erabiltzaileek bide publikoa erabiltzeari buruzko arauak egoki betetzen dituztela zaintzearren egingo dira.

Kanpaina, Zaintza eta Kontrol Kanpaina Bereziaren baitan dago, Euskal Autonomia Erkidegoko (EAE) Bide Segurtasunerako Plan Estrategikoak arautua, eta Bilboko Udaltzaingoaren Trafiko Sailak lortutako datuak taula batean sartuko dira, kudeaketa estatistikorako, aldez aurretik helburu horretarako ezarritako zenbait adierazleri egokitzeko.

2011ko irailaren 26tik urriaren 2ra bitartean egindako azken kanpainan, Bilboko udaltzainek bost kontrol egin zituzten guztira, 191 ibilgailu ikuskatuz eta 19 salaketa jarriz: bi gidarik segurua ez izateagatik jaso zituzten salaketak eta gainontzeko 17ak beste arrazoi batzurengatik.