O PSdeG insta á Xunta a "manter" os promotores de emprego destinados a Galicia e que Rajoy "suprimirá" en xuño

SANTIAGO DE COMPOSTELA, 20 May. (EUROPA PRESS) -

O voceiro de Emprego del Grupo Socialista de Galicia, Miguel Ángel Fernández, instou á Xunta a "manter" os promotores de emprego que se dedican a atender persoalmente a máis de 55.000 parados só en Galicia e que, como criticou, o Goberno central decidiu "suprimir o próximo 30 de xuño".

Así o demandará nunha iniciativa parlamentaria no pleno que se celebra a próxima semana na Cámara galega, e no que pedirá ao Goberno galego que "manteña os 109 promotores de emprego, financiándose, de ser preciso, con fondos propios para a súa contratación".

No texto, Miguel Ángel Fernández advirte da "gravidade" da eliminación deste servizo cando Galicia se dirixe a superar os 300.000 parados e recordou que a propia Consellería de Traballo e Benestar "gababa" en marzo "a contratación destes promotores para prestar unha atención personalizada a máis de 55.000 parados galegos".

Fronte a iso, o parlamentario socialista reclamou á Xunta que "toma a iniciativa para reverter" a decisión do Goberno central de suprimir a partida destinada a contratar estes profesionais, "un total de 1.500 en todo o Estado e de 109 en Galicia".

DESEMPREGO

O deputado do PSdeG tamén recordou que a Xunta establece, nos presuposto de 2012, unha previsión de taxas de desemprego para este ano do 16,2 por cento e un incremento do emprego do 0,1 por cento.

"A realidade é que no primeiro trimestre a taxa de paro está xa no 20,2 por cento e a perda anual de emprego foi do 2,8 por cento", apuntou.

Ademais, indicou que esta situación "deberá levar ao Goberno central e á Xunta a reforzar os servizos público de emprego con máis persoal de orientación" dado que, ao seu xuízo, "é necesario atender moitos máis parados".