Sánchez defende la moción pa formar un "Gobiernu del PSOE", rexenerar la vida democrática y convocar elecciones

El secretariu xeneral del PSOE, Pedro Sánchez, defendió güei la presentación d'una moción de censura contra'l presidente del Gobiernu Mariano Rajoy, cola fin de formar un Gobiernu del PSOE", rexenerar la vida democrático y convocar elecciones. Nun quixo precisar cuándo convocaría les elecciones, aseguró que sería "lo más ceo posible" pero dexó claro que ye "de xacíu", enantes de disolver les Cortes tien que "recuperase la normalidá institucional y político y atender les urxencies de munchos ciudadanos".

Rajoy acusa a Sánchez de querer llegar al Gobiernu a cualquier preciu mesmo pactando con Puigdemont, Torra y Bildu

El presidente del Gobiernu, Mariano Rajoy, acusó güei a Pedro Sánchez de querer llegar al Gobiernu a cualquier preciu y con quien sía, perxudicando a España, en referencia a Podemos y a los independentistes. "Cualquier día vamos velo pactando col señor Puigdemont", esclamó Mariano Rajoy.

Ciudadanos nun va apoyar la moción de Sánchez y pide elecciones anticipaes o una moción instrumental pa convocala

El secretariu xeneral de Ciudadanos, José Manuel Villegas, afirmó que'l so partíu va refugar la moción de censura rexistrada esti vienres pol PSOE y va esixir al presidente del Gobiernu, Mariano Rajoy, que convoque elecciones xenerales pola situación creada depués de la sentencia que condena al PP pola trama Gürtel.

Javier Fernández afirma que'l Gobiernu de Rajoy ta nuna situación "insostenible"

El presidente del Gobiernu asturianu, el socialista Javier Fernández, nun quixo valorar la presentación d'una moción de censura a Mariano Rajoy enantes de que lo faigan dende Ferraz, pero señaló que l'Executivu central ta nuna situación "mui difícil y insostenible".

Barbón (FSA) encamienta a Ciudadanos a decidir ente un gobiernu presidíu por Pedro Sánchez o caltener a Rajoy

El secretariu xeneral de la Federación Socialista Asturiana (FSA-PSOE), Adrián Barbón, encamentó esti vienres a Ciudadanos a decidir ente un gobiernu presidíu por Pedro Sánchez o caltener a Mariano Rajoy al frente del Executivu. Al traviés de la so cuenta de Twitter, el líder de los socialistes asturianos remarcó que "al tener rexistrada una moción de censura, Rajoy nun pue convocar elecciones".

La Universidá d'Uviéu va poner en marcha una Comisión de Normalización Llingüística

El Conseyu de Gobiernu de la Universidá d'Uviéu aprobó crear la Comisión Asesora de Normalización Llingüística, con competencies en materia de normalización dientro de la institución académica y que va velar pol cumplimientu de la Llei d'Usu. Asina, va corresponder a la Comisión Asesora de Normalización Llingüística proponer polítiques sobre l'usu de la llingua asturiana na Universidá d'Uviéu.

Corea del Norte asegura tar dispuesta a falar con EEUU depués de la suspensión del alcuentru

El viceministru d'Asuntos Esteriores norcoreanu, Kim Kye Gwan, aseguró esti vienres qu'el so país ta dispuestu a caltener conversaciones con Estaos Uníos y a resolver les diferencies ente dambes naciones. "Espresamos la nuestra voluntá de sentanos con Estaos Uníos y resolver los problemes en cualquier momentu y manera", manifestó Kim nun comunicáu, según recoyó l'axencia oficial norcoreana KCNA.

L'Arqueolóxicu acueye esti sábadu una visita guiada n'asturianu sobre la época de los ástures

El Muséu Arqueolóxicu d'Asturies va acoyer esti sábadu 26 de mayu a les 12.00 hores una visita guiada n'asturianu centrada na época de los ástures. Trátase d'una actividá de baldre entamada en collaboración de la Conseyería de Cultura. Dende avientu y l'últimu vienres de cada mes, el Muséu Arqueolóxicu y la Conseyería d'Educación y Cultura entamen una visita pa escolares de Primaria y Secundaria, mentes que'l sábadu van ser pal públicu en xeneral.

Cantabria va incluyir los bolos nuna asignatura escolar nueva pol so interés cultural

El conseyeru d'Educación, Cultura y Deporte, Francisco Fernández Mañanes, anunció que la asignatura optativa nueva de Patrimoniu de Cantabria, que se va principiar a impartise'l cursu próximu, va incluyir un apartáu de los bolos autóctonos "pol so gran interés cultural y material".

Trabe publica '42.553. Depués de Buchenwald', l'ensayu ganador del Máximo Fuertes Acevedo

Ediciones Trabe acaba de publicar '42.553. Depués de Buchenwald', de Xuan Santori, obra ganadora del Premiu d'Ensayu 'Máximo Fuertes qu'entrega cada añu'l Gobiernu asturianu. Nesti llibru, l'autor, conmovíu pol testimoniu vital de Vincent García, recueye nun ensayu históricu la reflexón sobre la condición humana y la supervivencia nel deliriu de los campos de concentración.