Ciudadanos pide al Executivu que tresllade a la Cámara una llei que permita'l desarrollu del Área Central

El diputáu de Ciudadanos, Nicanor García, manifestó esti martes que'l so grupu quier que se ponga na axenda política nesti semestre y nesta llexislatura, el desbloquéu del Proyectu del Área Central Metropolitana d'Asturies, y ye al Gobiernu al que-y correspuende la iniciativa. Por eso, pidió que l'Executivu tresllade a la Cámara una llei que desarrolle'l proyectu mentáu.

Coto (Foru) pide al Principáu qu'asuma la so competencia na construcción de l'autovía del Suroccidente

La presidenta de Foru Asturies, Cristina Coto, pidió esti martes al conseyeru d'Infraestructures, Ordenación del Territoriu y Medioambiente, Fernando Lastra, qu'asuma la competencia del so departamentu na construcción de l'Autovía del Suroccidente, en vez de "engañar" al ministru del ramu diciéndo-y que la competencia ye estatal.

El Rei visita'l llunes les instalaciones de Central Lechera Asturiana

El Rei d'España, Felipe VI, va visitar esti llunes día 22 de xineru les instalaciones de Central Llechera Asturiana en Granda (Siero) pa celebrar, xunto colos socios ganaderos de la empresa y los empleaos de la compañía, el 50 aniversariu de la so fundación.

La reserva hidráulica del Cantábricu occidental ta nel 74,9% de la so capacidá

La reserva hidráulica del Cantábricu Occidental ta nel 74,9% de la so capacidá total, mentes que la media estatal asítiase nel 41,1%, según informó esti martes el Ministeriu d'Agricultura y Pesca, Alimentación y Mediu Ambiente (Mapama).

Les midíes de seguridá nel derbi asturianu van ser les mesmes que nel partíu d'ida

Les fuercies de seguridá del estáu, Policía Nacional y Guardia Civil, y el delegáu del Gobiernu n'Asturies, Gabino de Lorenzo axuntáronse esti llunes pa coordinase de cara al partíu ente'l Real Uviéu y el Real Sporting de Xixón. Asina, alcordóse que les midíes de seguridá van ser les mesmes que nel partíu d'ida.

Gobiernu Vascu aplaude l'acercamientu de presos en Francia y pide "bona voluntá" pa dar "pasos" n'España

El secretariu xeneral de Derechos Humanos, Convivencia y Cooperación del Gobiernu Vascu, Jonan Fernández, repitió que l'Executivu del País Vascu considera "un pasu positivu" l'anunciu d'acercamientu de presos d'ETA encarcelaos en Francia y realizó un llamamientu a que "tol mundu ponga bona voluntá y dea pasos" p'avanzar nel cambiu de la política penitenciaria tamién nel Estáu español.

L'Asociación d'Escritores d'Asturies entrega esti vienres los Premios de la Crítica

El vienres 19 de xineru, a les 19.30 hores, va celebrase nel Aula Magna de la Universidá d'Uviéu, l'actu d'entrega de Premios de la Crítica y de les Lletres 2017, otorgaos pola Asociación d'Escritores d'Asturies y que premien los meyores llibros d'autores nacíos o residentes n'Asturies con obres publicaes l'añu anterior a la convocatoria.

L'Academia de la Llingua Vasca pide a Xusticia flexibilidá para inscribir nomes en vascu nel Rexistru Civil

Euskaltzaindia va pidir al Ministeriu de Xusticia español que sía "más flexible" col nomenclátor vascu. La Real Academia de la Llingua Vasca recordó que ye la institución consultiva oficial en temes rellacionaos col vascu, "y como tal ha de llindase a la llei, nesti casu a la llexislación del Rexistru Civil, qu'esixe asociar cada nome a un xéneru concretu".

El cine vuelve proyectase n'Arabia Saudina depués de 35 años de prohibición

Arabia Saudina volvió proyectar películes cinematográfiques esta fin de selmana depués de mantener les autoridaes saudines mentes los últimos 35 años una prohibición d'exhibición de películes na pantalla grande. La primer película proyectada, n'una sala de cine improvisada, foi un llargumetraxe d'animación infantil.
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies