Asturianu

   SAN SEBASTIÁN, 9 de Febreru (EUROPA PRESS)   La capital guipuzcoana acoyerá la selmana que vien, los díes 18 y 19 de febreru, un conceyu de la rede pa la Promoción de la Diversidá Llingüística (NPLD), na que representantes europeos pondrán en común esperiencies y proyectos sobre llingües como l'eusquera, el catalán, gallegu, irlandés, galés, escocés, estoniu, bretón, occitanu, frisiu, suecu, finalendés, noruegu, lituanu y córnicu.

   CARAQUES, 09 de Febreru (Reuters/EP)    El Gobiernu venezolanu, que declaró'l llunes la emerxencia eléctrica, llanzó un plan d'aforru  d'electricidá que contempla dende sanciones hasta incentivos nel valor del serviciu, tanto pa clientes residenciales, como comerciales y industriales.

   MADRID, 9 de Febreru (EUROPA PRESS)   Patronal y sindicatos soscribieron esti martes un acuerdu triañal (2010-2012) sobre negociación colectiva, que supón un mensaxe de "confianza" pa la economía española, y mostraron la so voluntá de siguir negociando nel ámbitu bipartitu p'algamar nuevos acuerdos que permitan meyorar la competitividá de les empreses y garantizar el caltenimientu y la creación d'emplegu.

   BRUSELES, 9 de Febreru (EUROPA PRESS)   El presidente del Gobiernu asturianu, Vicente Álvarez Areces, pidió güei que la política de cohesión europea "nun s'oriente esclusivamente a los países con menor riqueza" porque con ello amenorgaríense les posibilidaes d'acceder a fondos europeos pa rexones que como Asturies nun se consideren de converxencia.

   UVIÉU, 9 de Febreru (EUROPA PRESS)   La Direición Xeneral de Carreteres cortó güei ún de los carriles de l'autovía minera, l'AS-I, al altor del puntu kilométricu 21.400 pola desestabilización d'una lladera na boca norte del túnel de Picaplana, na calzada que van dende Mieres a Xixón, según informó'l Gobierno autonómicu nuna nota prensa.  

   MADRID, 9 de Febreru (EUROPA PRESS)   El presidente del Gobiernu, José Luis Rodríguez Zapatero, respuende a CiU que valora "positivamente" la propuesta de la formación catalana p'algamar un pactu d'Estáu pa salir de la crisis y adelantó la "disposición dafechu al diálogu" del Gobiernu pa llegar a acuerdos.

   UVIÉU, 09 de Febreru (EUROPA PRESS)   Un total de nueve cortos de ficción y cuatro documentales competirán na sesta edición del Festival de Cine Asturianu qu'entama'l 22 de febreru, na gala de presentación nel Salón d'Actos de la Biblioteca Xovellanos.    Según informó la organización del eventu, al traviés d'una nota prensa, los nominaos nesti sestu Festival como meyores cortos nes categoríes de competición son 'Almas perdidas' (Julio de la Fuente, 2008), 'Carla' (Kiko y Javier Prada, 2008), 'El plan B' (José Bors, 2006), 'Estación de carretera' (Kiko y Javier Prada, 2009), 'Fémina domus' (Jaime Fernández, 2009), 'Sin cobertura' (Iñaki Ibisate, 2009), 'La vocación' (Xavi Vilareyo, 2009), 'Puntu' (Eva Gallego, 2009), 'Vencíu' (Santos Hevia, 2009). Como Meyores Documentales tán nominaos los trabayos: 'Bajar la música' (Martín-Parra-Otero, 2009), 'Conceyu de Valdés un llugar apasionante' (Hi-video, 2008), 'Pablo Maojo' (Rai García, 2009) y 'Tom Zé astronauta llibertáu' (Ígor Iglesias, 2009).

   UVIÉU, 09 de Febreru (EUROPA PRESS)   L'alcalde d'Uviéu, Gabino de Lorenzo, defendió güei que'l popular Francisco Álvarez-Cascos yera un bon candidatu "pa lo que seya" y encamentó, igual que'l presidente rexonal del PP, Ovidio Sánchez, a esperar al mes de setiembre. "Cascos tien más pesu que'l señor Zapatero y que tol so equipu de ministros xuntos, ¿nun va ser un bon candidatu pa lo que seya?", indicó.

   XIXÓN, 9 de Febreru (EUROPA PRESS)    La conseyera d'Alministraciones Públiques, Ana Rosa Migoya, tachó güei de "fracasáu" dende'l puntu de vista políticu al presidente rexonal del PP n'Asturies, Ovidio Sánchez, al tiempu que defendió la xestión desarrollada polos socesivos gobiernos de Vicentes Álvarez Areces, que conllevaron el qu'Asturies seya una rexón "más moderna".