Asturias - Asturianu | noticias e información de actualidad
 
Consulta el estado del tiempo
Consulte el estado del Tráfico y del Tiempo para estos días >>
Consulta el estado del tráfico
Foto: Tirotéu nun centru comercial de Munich (REUTERS)

Tirotéu nun centru comercial de Munich

La Policía de Munich informó esti vienres que se produxo un tirotéu nun centru comercial cercanu al parque olímpicu, nel qu'habría delles víctimes, acordies colos medios de comunicación alemanes.


Foto: C's insiste: Rivera pidirá "ayuda" al rei pa desbloquiar la situación política (EUROPAPRESS)

C's insiste: Rivera pidirá "ayuda" al rei pa desbloquiar la situación política

El vicesecretariu xeneral de Ciudadanos, José Manuel Villegas, insistió esti vienres en que'l presidente del so partíu, Albert Rivera, va pidir "ayuda" al Rei pa desbloquiar l'actual situación política y evitar unes terceres elecciones, pero yá adelantara que la única opción posible ye que'l PSOE pase del 'non' a Mariano Rajoy a l'astención.


Foto: Dimite la directora xeneral de Tráficu, María Seguí, investigada n'Interior (Europa Press)

Dimite la directora xeneral de Tráficu, María Seguí, investigada n'Interior

La directora xeneral de Tráficu, María Seguí, presentó la so renuncia al ministru del Interior, Jorge Fernández Díaz, qu'aceptó.


Foto: Lagarde dirá a xuiciu por neglixencia nel casu 'Tapie' (MARIANA BAZO / REUTERS)

Lagarde dirá a xuiciu por neglixencia nel casu 'Tapie'

Christine Lagarde, directora xerente del Fondu Monetariu Internacional (FMI), deberá a lo último responder ante la xusticia francesa d'una presunta "neglixencia" cometida mientres el so periodu al frente del Ministeriu d'Economía na resolución per mediu d'un revesosu arbitraxe del casu Tapie, según determinó la Corte de Casación de Francia.


Foto: Hollande suministrará artillería a Iraq y movilizará a 15.000 reservistes en Francia (RAFAEL MARCHANTE/REUTERS)

Hollande suministrará artillería a Iraq y movilizará a 15.000 reservistes en Francia

El presidente francés, François Hollande, anunció esti vienres que Francia suministrará armamentu pesao a Iraq de magar el mes qu'entra y, nel planu internu, esplegará a 15.000 reservistes como midida de seguridá tres l'atentáu del pasáu 14 de xunetu en Niza.


Foto: Absueltu'l menor condenáu por homicidiu nel casu 'Jimmy' (REDES SOCIALES)

Absueltu'l menor condenáu por homicidiu nel casu 'Jimmy'

L'Audiencia Provincial absolvió del delitu d'homicidiu al menor condenáu na muerte del hincha del Deportivu d'A Coruña Francisco Javier Romero Taboada, conocíu como 'Jimmy', al restar credibilidá al testigu que lu acusó nel asesinatu y entender que nun existen pruebes abondo pa condenalu.


Delegación de Gobiernu anula la ordenanza municipal del asturianu en Noreña

La Delegación de Gobiernu comunicó al Conceyu de Noreña l'anulación de la so ordenanza municipal d'usu de la llingua asturiana, por entender que supón reconocer el calter oficial de la mesma, un algame non previstu nin na Llei de Promoción y Usu del Asturianu nin nel Estatutu d'Autonomía.


Foto: De Lorenzo defende'l llabor de De Luis y pide nun "machucalu" (Europa Press)

De Lorenzo defende'l llabor de De Luis y pide nun "machucalu"

El delegáu del Gobiernu y ex alcalde d'Uviéu, Gabino de Lorenzo, defendió'l llabor del que fuera Xefe de la Policía Llocal, Agustín de Luis, qu'esti xueves ingresó na prisión de Villabona pa cumplir la sentencia de dos años y siete meses de prisión que-y impunxo la Estaya Segunda de l'Audiencia Provincial d'Uviéu pola paralización d'un atestáu policial con atropellu en xineru del 2012.


Foto: Presenten un cuadernu n'asturianu pal siguimientu de los ñácaros (SNL AVILÉS)

Presenten un cuadernu n'asturianu pal siguimientu de los ñácaros

La conceyala de Cultura, Yolanda Alonso, la direutora d'Asistencia Sanitaria del área sanitaria III, Lidia Clara Rodríguez y la responsable de la Estaya de la Llingua, Montserrat Machicado, participen mañana na presentación en rueda de prensa d'El llibru pa lo más piquiñino de casa. Ye una campaña na que collaboren el Conceyu d'Avilés y l'Hospital Universitariu San Agustín, que se fai al mesmu tiempu n'Avilés, Carreño, L.lena, Siero y Xixón.


Confirmada la orde de prisión pal asesín de la uvieína en Melilla

El presuntu asesín de la muyer Karla Bélen P.M., natural d'Ecuador y con residencia n'Uviéu, na playa de La Hípica de Melilla, Abdelwahid A., volvió reconocer los fechos nuna declaración realizada esti vienres per videoconferencia y la maxistrada del Xulgáu de Violencia sobre la Muyer d'Uviéu procedió a ratificar dicha orde de prisión, provisional, comunicada y sin fianza, nun siendo descartable qu'al presu pudieren treslladalu de centru penitenciariu nes próximes selmanes.


Más noticias
 
Este sitio web utiliza cookies propias y de terceros, puedes ver nuestra política de cookies -
Uso de cookies